Hanyser
AUSDRUCK
Dołączył: 14 Wrz 2006
Posty: 631
Przeczytał: 0 tematów
Skąd: Siemianowice Śląskie
Płeć: 
|
 Wysłany: 30.08.2007 - 10:04 Temat postu: |
|
|
| Dohtor Miód napisał: | FAJNO HISTORYJKA  |
1. Historia inspirowano pewnym chopym z Michałkowic - co poniewtorzy znajom pewno Mańka, jedyny bezdomny-abstynent, kerego znom...
2. Dużo żech sam "dopowiedzioł" w tyj historii, bo niy znom cołkego curriculum vitae Mańka. Kajśżech slyszoł, że dostoł ipi skuli utraty familii w wypadku, ale może to jes ino plotka - chuj to wiy.
3. 45,5 % tekstu jes na jedyn rym (...oku), besco jes to jakoś nowo sprawa w moich tekstach.
4. Tak na marginesie jeszcze ino wpomna, że stronka Ausdrucku mo blank nowy disajn i ogólnie w ciule zmian.
TEKST - POCZUCIE WINY:
Mjyszkoł kedyś w familoku,
późni przybroł sie do bloku,
teroz już łod ponad roku:
mjyszko z boku na hasioku!
Lata na na zot mioł robota,
mioł żona, bajtla i kota.
Chop mioł tytuł inżyniera,
stanowisko brygadiera.
Kożdy lubioł go prywatnie,
lecz niestety znod sie na dnie.
Jak zarobioł trocha kasy
to wzion familjo na wczasy,
Autem chop wylecioł z trasy
niypomogły nowet pasy.
Stracioł jakoś panowanie,
niy pomogło hamowanie,
wypod z winkla, skryncioł w lewo,
z fest impetem piznoł w drzewo!
Jak odzyskoł już przytomność,
przekozali mu wiadomość,
że ino go wyciongneli
Wszyscy inksi mu zginyli,
Jak ciało bajtla łoboczoł,
to chop psychicznie sie stoczoł!
Sens w swoim życiu zatracioł!
Pora razy żyły zacioł!
Kcioł slecieć z ósmego sztoku,
Kcioł utopić sie w potoku.
Kcioł hantnońć sie po cimoku!
Kcioł ciepnońć sie ze uskoku.
Zawarli go do rynsztoku,
skuli psychiatry wyroku.
podglondali go w kukloku;
zamotlanego, w szlafroku,
Smutny szlagier uo bidoku -
wygłodniałym chuderloku,
co po zmroku śpi w hasioku
haźla niy mo, sro po krzoku
Jak to widza jeżech w szoku,
łza sie krynci w moim oku,
trzynsa chobychboł w amoku.
bo napatrza sie widoku.
|
|
FAQ
Szukaj
Użytkownicy
Grupy
Galerie
Rejestracja
Zaloguj się, by sprawdzić wiadomości
Zaloguj
